Mon, 19 Aug 2019

Cebuano News: DOH mihimo'g dengue info caravan sa Candau-ay

Philippine Information Agency
10 Jun 2019, 18:38 GMT+10

DUMAGUETE CITY, Hunyo 6 (PIA)-Mipahigayon og dengue prevention campaign sugod niadtong Mayo 24 sa Barangay Candau-ay, dakbayan sa Dumaguete ang buhatan sa Department of Health (DOH) inabagan sa City Health Office (DOH)

Si DOH Negros Oriental Provincial Officer Dr. Socrates Villamor ug Dumaguete City Health Officer Dr. Sarah Talla mitataw nga posibleng mo taas ang kaso sa dengue karong tuiga base sa "projected trend" mao nga himoon ang makusganong kampanya paglikay sa dengue.

Namahayag si Dr. Talla nga adunay trend ang dengue, gikan sa duha ka tuig nga mubo ang kaso, motaas kini sa ika 3 nga tuig.

Gipasabot ni Dr. Talla sa barangay officials nga mitambong sa information caravan nga mahinungdanon kaayo nga mangandam and katawhan.

Ang CHO mitala ug 270 ka kaso sa tuig 2017 ug 380 ka kaso sa tuig 2018.

Karong tuiga adunay kumpirmado nga 162 cases gikan sa Enero 1 hangtud Mayo 1.

Base usab sa talaan sa DOH adunay 241 ka kaso sa probinsya sa Negros Oriental sukad niadtong Mayo 4.

Dugang namahayag si Dr. Talla nga nag una ang dakbayan sa Dumaguete sa labing daghang kaso ug gani, kini ang ika 4 sa tibook rehiyon 7.

Gipasabot ni Talla ang katawhan nga walay dengue kung walay "breeding site" ang lamok.

Mao kini ang kanunay nga gipasabot sa mga health officials nga mahinungdanon kaayo ang regular nga"search and destroy "ug pagpanglimpyo sa palibot.

Ang barangay Candau-ay angmay labing daghan og kaso sa dengue nga dunay 55 ka validated cases sa milabay nga tuig.

Karong tuiga mikubos kini sa 30 ka kaso gikan sa Mayo 18, diin taas kini kon ikumpara sa tuig 2018 (gikan sa Enero 1 hangtud Mayo 18 nga dunay 9 lamang ka kaso.)

Si Dr. Villamor sa iyang bahin mipasabot nga kinahanglan mag sugod na ug pangandam ky ting ulan na sa bulan sa Hunyo.

Base usab sa record sa DOH, ang probinsya adunay gidaghanong 1,333 dengue cases ug 3 niini ang namatay gikan sa Enero 1 hangtud sa Mayo 18 karong tuiga.

Nasuta nga anaa sa 314% ang pagsaka sa kaso sa miaging tuig 2018 nga adunay 315 cases lamang matud ni Villamor.

Si Dr. Ronald Jarvik Buscato, dengue program coordinator sa DOH - 7 mipasabot sa katawhan kabahin sa enhanced 4s strategy nga: "search and destroy breeding places of mosquitos, secure self-protgection, seek early consultation ug support spraying to "prevent impending outbreak."

Ang information caravan sa Barangay Candau-ay gitak-opan pinaagi sa "signing of a wall of commitment" agi ug pag suporta sa "enhanced 4S strategy"aron malikay ang katawhan sa lamok nga gadala ug dengue virus. (lpp/PIA7/Negros Oriental)

More Louisville News

Access More

Sign up for Louisville News

a daily newsletter full of things to discuss over drinks.and the great thing is that it's on the house!